ཞིང་ཆེན་གནམ་གཤིས་རྟོག་དཔྱོད་ཁང་གིས་སྔོན་བརྡ་བཏང་བ་ལྟར་ན། ཚེས་བཅུ་དགུའི་ཉིན་ནས་ཚེས་ཉེར་གཅིག་ཉིན་བར་ཞིན་ཅང་གི་གྲང་རླུང་རང་ཞིང་ལ་གཡུག་རྒྱུ་ཡིན་པས། རང་ཞིང་ལ་རླུང་ཆེན་གཡུག་ནས་ཁངས་འབབ་པའི་ནམ་ཟླ་འབྱུང་རྒྱུ་ཡིན་ལ་དེའི་སྐབས་སུ་རང་ཞིང་གི་བྱང་ཕྱོགས་ས་ཁུལ་གྱི་ཉིན་རེའི་དྲོད་གྲངས་ཆ་སྙོམ་སྒོས་ཏུའུ་བཞི་ནས་དྲུག་བར་དུ་ཇེ་འཁྱག་ལ་འགྲོ་རྒྱུ་རེད།
ཚེས་བཅོ་བརྒྱད་ཉིན་གྱི་དགོང་མོ་ནས་ཚེས་བཅུ་དགུའི་ཉིན་བར་དུ་ཆི་ལེན་རི་རྒྱུད་དུ་ཁངས་ཟམ་མེ་ཟིམ་མེ་འབབ་རྒྱུ་ཡིན་པ་དང་ཞིང་ཆེན་ནང་ཁུལ་གྱི་ས་ཁུལ་གཞན་དག་ལ་གནམ་མཐིང་པ་དང་མཚམས་མཚམས་ལ་སྤྲིན་མང་རྒྱུ་རེད། སྨུག་པ་ལ་སྒང་གི་རི་རྒྱུད་དང་མཚོ་ནུབ། མཚོ་བྱང་། མཚོ་སྔོན་པོ་བཅས་ལ་ཚད་རིམ་ལྔ་ནས་དྲུག་བར་གྱི་ནུབ་རླུང་གཡུག་རྒྱུ་ཡིན་པ་དང་ཟི་ལིང་དང་མཚོ་ཤར་ས་ཁུལ་ལ་ཚད་རིམ་བཞི་ནས་ལྔ་བར་གྱི་ཤར་ལྷོའི་རླུང་གཡུག་རྒྱུ་རེད།
ཚེས་བཅུ་དགུའི་དགོང་མོ་ནས་ཚེས་ཉི་ཤུའི་ཉིན་བར་ཡུས་ཧྲུའུ་ཡི་བྱང་ཕྱོགས་དང་མགོ་ལོག་གི་བྱང་ཕྱོགས། མཚོ་བྱང་གི་ཤར་ཕྱོགས། ཟི་ལིང་། མཚོ་ཤར། མཚོ་ལྷོའི་ལྷོ་ཕྱོགས། རྨ་ལྷོའི་ལྷོ་ཕྱོགས་བཅས་ལ་ཁངས་ཟམ་མེ་ཟིམ་མེ་འབབ་རྒྱུ་དང་། སྨུག་པ་ལ་སྒང་དང་མཚོ་ནུབ། མཚོ་བྱང་། མཚོ་སྔོན་པོ། མཚོ་ཤར་བཅས་ལ་ཚད་རིམ་བཞི་ནས་ལྔ་བར་གྱི་ཤར་ལྷོའི་རླུང་གཡུག་པ་དང་། རང་ཞིང་གི་ཉིན་རེའི་ཆ་སྙོམས་དྲོད་གྲངས་ཏུའུ་བཞི་ནས་དྲུག་བར་དུ་ཇེ་འཁྱག་ལ་འགྲོ་རྒྱུ་རེད།
ཚེས་ཉི་ཤུའི་ཉིན་ནས་ཚེས་ཉེར་གཅིག་ཉིན་བར་ཡུས་ཧྲུའུ་ཡི་བྱང་ཕྱོགས་དང་མགོ་ལོག་གི་བྱང་ཕྱོགས། མཚོ་བྱང་གི་ཤར་ཕྱོགས། ཟི་ལིང་། མཚོ་ཤར། མཚོ་ལྷོའི་ལྷོ་ཕྱོགས། རྨ་ལྷོ་བཅས་ལ་ཁངས་ཆུང་ཆུང་འབབ་པ་དང་མཚོ་ནུབ་དང་མཚོ་བྱང་། མཚོ་སྔོན་པོ་བཅས་ལ་ཚད་རིམ་དྲུག་ནས་བདུན་བར་གྱི་ནུབ་རླུང་གཡུག་པ་དང་། མཚོ་ཤར་ས་ཁུལ་ལ་ཚད་རིམ་བཞི་ནས་ལྔ་བར་གྱི་ཤར་ལྷོའི་རླུང་གཡུག་རྒྱུ་རེད།
ལོ་ཙཱ་བ། བསོད་ནམས་ལྷ་མོ། |
