ཀྲུང་དབྱང་གནམ་གཤིས་རྟོག་དཔྱོད་ཁང་གིས་ཟླ12པའི་ཚེས22ཉིན་གྱི་དུས་ཚོད་བཅུའི་སྟེང་བསྒྲགས་པའི་གནས་ཚུལ་ལྟར་ན།  སྔོན་དཔག་བྱས་ན་ཚེས23ཉིན་ནས་ཚེས25ཉིན་བར།  རང་རྒྱལ་གྱི་ས་ཁུལ་མང་ཆེ་བའི་ནམ་ཟླ་ནུབ་ནས་ཤར་ཕྱོགས་བརྒྱུད་དེ་ཇེ་འཁྱག་ལ་འགྲོ་རྒྱུ་རེད་ཟེར།
  རྒྱུས་ལོན་བྱུང་བ་ལྟར་ན།  ཚེས22ཉིན་གྱི་ཕྱི་དྲོ་ནས་ཚེས24ཉིན་གྱི་ཉིན་གུང་བར།  ཞིན་ཅང་གི་བྱང་ཕྱོགས་དང་།  ནུབ་བྱང་ས་ཁུལ་ཤར་ཕྱོགས་ཀྱི་བྱང་ཕྱོགས།  ནང་སོག་གི་དབུས་ནུབ་སོགས་ས་ཁུལ་ལ་རླུང་ཆེན་གཡུགས་རྗེས་ས་ཁུལ་དེ་དག་གི་ནམ་ཟླའི་དྲོད་གྲངས་གོར་ཐིག་མན་གྱི་ཏུའུ་དྲུག་ནས་གོར་ཐིག་མན་གྱི་ཏུའུ་བཅུའི་བར་ཇེ་འཁྱག་ལ་འགྲོ་རྒྱུ་རེད།  དེའི་ནང་དུ་ཞིང་ཅང་གི་བྱང་ཕྱོགས་དང་ནང་སོག་གི་དབུས་ནུབ་ས་ཁུལ་གྱི་ནམ་ཟླའི་དྲོད་གྲངས་གོར་ཐིག་མན་གྱི་ཏུའུ་བཅུ་གཉིས་ནས་གོར་ཐིག་མན་གྱི་ཏུའུ་བཅུ་བཞིའི་བར་ཇེ་འཁྱག་ལ་འགྲོ་བ་དང་།  ས་ཁུལ་ཁ་ཤས་ཀྱི་དྲོད་གྲངས་གོར་ཐིག་མན་གྱི་ཏུའུ་བཅུ་བཞི་ལས་བརྒལ་རྒྱུ་ཡིན་པ་དང་།  ཞིན་ཅང་གི་བྱང་ཕྱོགས་ས་ཁུལ་དུ་ཁངས་འབྲིང་ཙམ་ནས་ཁངས་ཆེན་འབབ་རྒྱུ་རེད།

ལོ་ཙཱ་བ།  ཀླུ་འབུམ་བྱམས།