ཁུལ་དམངས་ཆེན་རྒྱུན་ཨུའི་གཙོ་འགན་རྟ་མགྲིན་གྱིས་ཚོགས་ཆེན་ལ་མགོ་འཛིན་བྱས།
ཚོགས་འདུ་ལ་ཀྲུའུ་ཞི་ཚོགས་པའི་རྒྱུན་ཨུའི་ཀྲུའུ་ཞི། ཚོགས་ཆེན་ལག་བསྟར་ཀྲུའུ་ཞི་རྟ་མགྲིན་གྱིས་མགོ་འཛིན་བྱས། ཀྲུའུ་ཞི་ཚོགས་པའི་རྒྱུན་ཨུའི་ཀྲུའུ་ཞི་ལེན་ཡ་སུང་དང་རྣམ་རྒྱལ། གཅེས་མ། དགེ་རྩེ་ཕུན་ཚོགས། ཆུག་ཞིན་མེན། སྤུ་ལོ། བློ་ཐུབ། ཀྲང་ཡན་ལེན་བཅས་ཀྲུའུ་ཞི་སྟེགས་བུའི་མདུན་ཤར་དུ་བཞུགས། ཚོགས་འདུའི་སྟེང་ཁུལ་མི་དམངས་སྲིད་གཞུང་གི་ཁུལ་གཙོ་འཚབ་མ་པདྨ་རྡོ་རྗེ་ཡིས་ཕུལ་བའི་སྲིད་གཞུང་བྱ་བའི་སྙན་ཞུ་དང་ཁུལ་དམངས་ཆེན་རྒྱུན་ཨུ་ཚོགས་པའི་འགན་གཞོན་དགེ་རྩེ་ཕུན་ཚོགས་ཀྱིས་གསལ་བཤད་གནང་བའི《མགོ་ལོག་བོད་རིགས་རང་སྐྱོང་ཁུལ་བོད་རྒྱུད་ནང་བསྟན་ལས་དོན་སྲོལ་ཡིག（འཆར་ཟིན）》བཅས་སོ་སོར་ཉན།
《སྲིད་གཞུང་བྱ་བའི་སྙན་ཞུ》ཁག་ལྔ་རུ་བགོས་ཡོད་དེ། གཅིག 2009ལོའི་བྱ་བའི་ཕྱིར་འདང་། གཉིས། 2010ལོའི་དཔལ་འབྱོར་སྤྱི་ཚོགས་འཕེལ་རྒྱས་ཀྱི་བསམ་བློའི་མཛུབ་སྟོན་དང་འབད་བརྩོན་དམིགས་འབེན། གསུམ། ཧུར་ཐག་གིས་འཕེལ་རྒྱས་རྣམ་པ་བསྒྱུར་སྤོར་ལ་སྐུལ་འདེད་དང་། དཔལ་འབྱོར་ཅུང་མགྱོགས་པོའི་འཕེལ་རྒྱས་ལ་ནུས་ཤུགས་ཡོད་ཚད་ཀྱིས་སྒུལ་འདེད་བྱེད་རྒྱུ། བཞི། སྐྱེ་ཁམས་ཁུལ་འཛུགས་འཐབ་ཇུས་རྒྱུན་འཁྱོངས་བྱས་ཏེ། ལྗང་མདོག་འཕེལ་རྒྱས་སྒུལ་འདེད་ལ་ཤུགས་ཕུད་རྒྱུ། ལྔ། དམངས་ཚིས་ལེགས་བསྒྱུར་ལ་འགན་སྲུང་ཡོད་པ་བྱས་ཏེ། སྤྱི་ཚོགས་འཆམ་མཐུན་བརྟན་འཇགས་ལ་སྐུལ་འདེད་བྱེད་དགོས།
