ཉེ་ལམ།  མཚོ་བྱང་བོད་རིགས་རང་སྐྱོང་ཁུལ་རྐང་ཚ་རྫོང་གི་རོང་འབྲོག་པའི་འཆར་ལྡན་བུ་སྐྱེ་ཁྱིམ་ཚང་བརྒྱ་དང་གྱ་བདུན་གྱིས་ཉིས་སྟོང་དགུ་ལོའི་བྱ་དགའི་རོགས་དངུལ་སྒོར་མོ་འབུམ་གཉིས་དང་ཁྲི་བཞི་ལྷག་བླངས།  རྒྱུས་ལོན་བྱུང་བ་ལྟར་ན་རྫོང་འདིའི་ཉིས་སྟོང་དགུ་ལོའི་བྱ་དགའི་རོགས་དངུལ་ལོ་རེ་ལ་མི་རེར་སྒོར་མོ་སྟོང་གཅིག་དང་སུམ་བརྒྱ་ཉི་ཤུ་ལ་འཕར་བ་དང་།  དེའི་ནང་དུ་རྫོང་སྲིད་གཞུང་གིས་མི་རེ་ལ་བྱིན་པའི་ཁ་གཏད་བྱ་དགའི་རོགས་དངུལ་སྒོར་མོ་ཉིས་བརྒྱ་རེ་ལ་འཕར།  བྱ་དགའི་རོགས་དངུལ་ལམ་ལུགས་ནི་གཙོ་བོ་རོང་འབྲོག་ཁུལ་གྱི་བྱིས་པ་ཁེར་སྐྱེས་དང་བུ་མོ་གཉིས་སྐྱེས་པའི་ཁྱིམ་ཚང་གི་ཕ་མ་ལོ་དྲུག་ཅུར་བུད་ཡོད་པའི་ཁྱིམ་ཚང་ལ་ཁ་གཏད་པ་ཡིན་ཞིང་།  བྱ་དགའི་རོགས་དངུལ་ལམ་ལུགས་ལག་བསྟར་བྱས་པ་དེས་རོང་འབྲོག་ས་ཁུལ་གྱི་ཡོང་སྒོ་ཇེ་མང་དུ་བཏང་པར་མ་ཟད།  རོང་འབྲོག་ས་ཁུལ་གྱི་སྤྱི་ཚོགས་དཔལ་འབྱོར་ཇེ་མགྱོགས་སུ་གཏོང་བ་དང་མི་གྲངས་དང་ཐོན་ཁུངས་འཆམ་མཐུན་ངང་འཕེལ་རྒྱས་འབྱུང་བར་ཡར་སྐུལ་བྱེད་པར་ནུས་པ་ཧ་ཅང་གལ་ཆེན་ཐོན་ཡོད།

ལོ་ཙཱ་བ། གཡང་འབུམ་རྒྱལ།