ཚོགས་ཐོག་ཏུ་མཚོ་བོད་ལྕགས་ལམ་ཀུང་ཟི་དང་ཞིང་ཆེན་གནས་སྐོར་ཅུའུ། ཞིང་ཆེན་སྤྱི་བདེ་ཐིན། ཞིང་ཆེན་སྤྱོད་ཚུལ་ཡོ་བསྲང་གཞུང་སྒྲུབ་ཁང་སོགས་ལས་ཁུངས་ཀྱིས་གནས་ཚུལ་ཡར་ཞུ་བྱས། ཝང་ལིན་ཅུན་གྱིས་གནས་ཚུལ་ཡར་ཞུ་བྱས་པར་ཉན་རྗེས་མཚོ་བོད་ལྕགས་ལམ་ཀུང་ཟིས་མཚོ་སྔོན་གྱི་དཔལ་འབྱོར་འཛུགས་སྐྲུན་ཐད་ལ་ནུས་པ་ཆེན་པོ་བཏོན་པ་དང་། ལྷག་པར་དུ་ཡུས་ཧྲུའུ་གནོད་སེལ་རྒུད་སྐྱོབ་དང་གནོད་ཐེབས་རྗེས་ཀྱི་བསྐྱར་འཛུགས་བྱ་བའི་ཐད་ལ་བྱ་བ་གང་མང་བསྒྲུབས་པར་ཁས་ལེན་གང་ལེགས་བྱས། ཁོས་མཚོ་བོད་ལྕགས་ལམ་ཀུང་ཟིས་སྔོན་ཆད་དང་འདྲ་བར་མཚོ་སྔོན་གྱི་དཔལ་འབྱོར་དང་སྤྱི་ཚོགས་འཕེལ་རྒྱས་སུ་འགྲོ་བའི་ཐད་ལ་རྒྱབ་སྐྱོར་ཆེན་པོ་བྱེད་དགོས་པའི་རེ་བ་བཏོན། 

ལོ་ཙཱ་བ།  བཀྲ་ཤིས་འབུམ།