ཟླ་བདུན་པའི་ཚེས་བཅུའི་ཉིན། ཞིང་ཆེན་སྲིད་གཞུང་གིས་ད་ལོའི་ལོ་སྟོད་ཀྱི་ཞིང་ཆེན་ཡོངས་ཀྱི་བཟོ་ལས་དཔལ་འབྱོར་འཁོར་རྒྱུགས་དང་ནུས་ཁུངས་གྲོན་ཆུང་དང་བཙོག་ཆུ་ཕྱིར་གཏོང་བྱེད་པའི་བྱ་བའི་ཆེད་དོན་གྲོས་ཚོགས་བསྡུས་ཏེ། ཟླ་དང་པོ་ནས་ཟླ་དྲུག་པའི་བར་གྱི་བཟོ་ལས་དཔལ་འབྱོར་འཁོར་རྒྱུགས་གནས་ཚུལ་དང་བཙོག་ཆུ་ཕྱིར་གཏོང་བྱ་བའི་འཕེལ་རིམ་གནས་ཚུལ་ཁྱབ་སྒྲོག་བྱས་པ་དང་། འབྲེལ་ཡོད་ས་ཁུལ་དང་སྡེ་ཁག ཁེ་ལས་བཅས་ཀྱི་མདུན་དུ་ལྷགས་པའི་དཀའ་ངལ་དང་གནད་དོན་ལ་རྒྱུས་ལོན་བྱས་ནས་དེང་སྐབས་ཀྱི་ཞིང་ཆེན་ཡོངས་ཀྱི་བཟོ་ལས་དཔལ་འབྱོར་འཁོར་རྒྱུགས་དང་ནུས་ཁུངས་གྲོན་ཆུང་དང་བཙོག་ཆུ་ཕྱིར་གཏོང་གི་གནས་བབ་དང་འགྲོ་ཕྱོགས་ལ་དབྱེ་ཞིབ་བྱས་ཏེ་ད་ལོའི་ལོ་སྨད་ཀྱི་བྱ་བ་བཀོད་སྒྲིག་བྱས། ཧྲིན་ཀྲང་གཞོན་པ་ལའོ་ཡུས་ལིན་གྲོས་ཚོགས་སུ་ཞུགས།

    ལའོ་ཡུས་ལིན་གྱིས་བསྟན་དོན། ཞིང་ཆེན་ཡོངས་ཀྱི་གོང་འོག་བར་གསུམ་ཚང་མས་མཉམ་དུ་འབད་བརྩོན་བྱས་འོག ཞིང་ཆེན་ཡོངས་ཀྱི་བཟོ་ལས་དཔལ་འབྱོར་ཕལ་ཆེར་བརྟན་འཇགས་ངང་འཕར་བའི་གནས་བབ་སྲུང་འཛིན་བྱས་ཡོད་མོད། འོན་ཀྱང་འཕེལ་རྒྱས་ཀྱི་གནས་བབ་ལ་བལྟས་ན་རང་ཞིང་གི་བཟོ་ལས་འཕར་སྣོན་གྱི་རྨང་གཞི་སྔར་བཞིན་བརྟན་པོ་མིན་པས་བཟོ་ལས་འཁོར་རྒྱུགས་དང་ནུས་ཁུངས་གྲོན་ཆུང་། བཙོག་ཆུ་ཕྱིར་གཏོང་བཅས་ཀྱི་བྱ་བའི་བདུན་དུ་སྔར་བཞིན་དཀའ་ཁག་མང་པོ་དང་གནད་དོན་མང་པོ་གནས་ཡོད་པ་དང་གནས་བབ་ཛ་དྲག་རེད། ས་ཁུལ་སོ་སོ་དང་སྡེ་ཁག་སོ་སོས་ནན་ཏན་སྒོས་དཔལ་འབྱོར་འཕེལ་རྒྱས་ཀྱི་གནས་བབ་དང་དེང་སྐབས་ཀྱི་འཁོར་སྐྱོད་ཁྲོད་གནས་པའི་གནད་དོན་ལ་དབྱེ་ཞིབ་བྱས་ནས་ལས་གཞི་སོ་སོའི་བྱ་བའི་བྱེད་ཐབས་གཏན་འཁེལ་དང་དངོས་འབེབས་བྱས་ཏེ་ད་ལོའི་དམིགས་འབེན་ལས་འགན་ཡོངས་གྲུབ་བྱེད་པར་ཁག་ཐེག་བྱེད་དགོས་ཟེར།

ལོ་ཙཱ་བ། བསོད་ནམས་ལྷ་མོ།