ཞིང་ཆེན་ཏང་གི་འཛུགས་སྐྲུན་ཞིབ་འཇུག་ཚོགས་པའི་ཨུ་ཡོན་འཐུས་མིའི་ཚོགས་ཆེན་ཐེངས་གསུམ་པ་ཚེས་ཉེར་གསུམ་ཉིན་ཟི་ལིང་ནས་ཚོགས། གྲོས་ཚོགས་ནས་མཚོ་སྔོན་ཞིང་ཆེན་གྱི་ཏང་གི་འཛུགས་སྐྲུན་ཞིབ་འཇུག་ཚོགས་འདུའི་ལས་འཛིན་ལྷན་ཚོགས་སྐབས་གཉིས་བའི་ཚུན་གྱི་བྱ་བར་ཕྱོགས་ཡོངས་ནས་སྤྱི་བསྡོམས་བྱས་བ་དང་། སྐབས་གཉིས་བའི་ལས་འཛིན་ལྷན་ཚོགས་ཀྱི་བྱ་བའི་སྙན་ཞུར་གྲོས་ཞིབ་བྱས་ནས་གྲོས་འཆམ་བྱུང་། མཚོ་སྔོན་ཞིང་ཆེན་ཏང་གི་འཛུགས་སྐྲུན་ཞིབ་འཇུག་ཚོགས་འདུའི་སྒྲིག་ཡིག་བཟོ་བཅོས་འཆར་ཟིན་ལ་གྲོས་འཆམ་བྱུང་བ་དང་། སྐབས་གསར་བའི་མགོ་ཁྲིད་སྒྲིག་གཞི་འདམ་ཐོན་བྱུང་། ཞིང་ཆེན་ཏང་ཨུའི་རྒྱུན་ལས་ཨུ་ཡོན། རྩ་འཛུགས་པུའུ་ཡི་པུའུ་ཀྲང་ཆི་ཡུས་ཀྱིས་ཞིང་ཆེན་ཏང་འཛུགས་ཞིབ་འཇུག་ཚོགས་པའི་ཚོགས་གཙོར་བདམས། གྲོས་ཚོགས་མཇུག་བསྡུ་སྐབས་ཆི་ཡུས་ཀྱིས་གཏམ་བཤད།
ཆི་ཡུས་ཀྱིས་ཨུ་ཡོན་འཐུས་མིའི་ཚོགས་ཆེན་ཐེངས་གཉིས་བའི་ཚུན་གྱི་བྱ་བའི་གྲུབ་འབྲས་དང་ཕན་འབྲས་བླངས་བའི་ཉམས་མྱོང་ཁས་བླངས་རྗེས་ནན་གྱིས་བསྟན་དོན། ཏང་གི་སྐབས་བཅུ་བདུན་པའི་ཀྲུང་ཨུ་ཚང་འཛོམས་གྲོས་ཚོགས་ཐེངས་བཞི་བ་དང་ཞིང་ཆེན་ཏང་ཨུའི་སྐབས་བཅུ་གཅིག་པའི་ཚང་འཛོམས་གྲོས་ཚོགས་ཐེངས་བདུན་པས་གནས་བབ་གསར་བའི་འོག་ཏུ་སྔར་ལས་ལྷག་པས་ཏང་གི་འཛུགས་སྐྲུན་བྱ་བར་ཤུགས་སྣོན་པ་དང་ལེགས་བཅོས་བྱེད་པར་བཀོད་སྒྲིག་གསར་བ་དང་རེ་བ་གསར་བ་བཏོན་པར་མ་ཟད། ང་ཚོས་ཏང་འཛུགས་ཞིབ་འཇུག་བྱ་བ་སྤེལ་བར་དཔེ་གཞི་གསར་བ་བཏོན། ཏང་འཛུགས་ཞིབ་འཇུག་བྱ་བ་བསྒྲུབ་མཁན་གྱིས་གནས་བབ་གསར་བའི་འོག་ཏང་གི་འཛུགས་སྐྲུན་ལ་ཤུགས་སྣོན་པ་དང་ལེགས་བཅོས་བྱེད་པའི་སྤྱིའི་བཀོད་སྒྲིག་དང་དམིགས་འབེན་ལས་འགན་ལ་དམ་པོར་དམིགས་ནས། ཏང་གི་སྲིད་སྐྱོང་ནུས་བ་འཛུགས་སྐྲུན་དང་སྔོན་ཐོན་རང་བཞིན་འཛུགས་སྐྲུན་བྱེད་པར་ཤུགས་སྣོན་པ་དང་། ཞིང་ཆེན་ཡོངས་ཀྱི་དཔལ་འབྱོར་བཟང་ཞིང་མགྱོགས་པོའི་སྒོ་ནས་འཕེལ་རྒྱས་སུ་གཏོང་བར་ཡར་སྐུལ་བྱེད་པའི་ཚད་མཐོན་པོ་ནས། ཏང་འཛུགས་ཞིབ་འཇུག་བྱ་བའི་དོན་སྙིང་གལ་ཆེན་ངོས་འཛིན་ཟབ་མོ་བྱེད་པ་དང་། ཚད་མཐོ་བའི་ཆབ་སྲིད་ཀྱི་འགན་འཁྲི་དང་ལོ་རྒྱུས་ཀྱི་འགན་འཁྲི་ཚད་མཐོན་པོ་ནས་གནས་བབ་གསར་བའི་འོག་གི་ཏང་འཛུགས་ཞིབ་འཇུག་བྱ་བ་བཟང་བོར་སྒྲུབ་དགོས་ཟེར།
ལོ་ཙཱ་བ། བདེ་སྐྱིད་འཚོ། |
