ཞིང་ཆེན་སྲིད་གཞུང་གིས2010ལོའི་ཞིང་ཆེན་ཡོངས་ཀྱི་གནད་སའི་འཛུགས་སྐྲུན་ལས་གཞིའི་རྣམ་གྲངས་གཏན་ལ་ཕབ།
    2010ལོའི་ཞིང་ཆེན་ཡོངས་ཀྱི་གཏན་འཇགས་མ་རྩའི་དངུལ་གཏོང་དམིགས་ཡུལ་བདེ་བླག་ངང་མངོན་འགྱུར་བྱེད་པར་ཁག་ཐེག་བྱེད་པ་དང་། གནད་སའི་འཛུགས་སྐྲུན་ལས་གཞིའི་གཏན་འཇགས་མ་དངུལ་མ་རྩ་འཕར་སྣོན་འབྱུང་བར་ཡར་སྐུལ་དང་རྒྱབ་བརྟེན་གྱི་ནུས་པ་མུ་མཐུད་དུ་སྲུང་འཛིན་བྱེད་ཆེད། ཉེ་ལམ། ཞིང་ཆེན་སྲིད་གཞུང་གཞུང་སྒྲུབ་ཐིན་གྱིས2010ལོའི་ཞིང་ཆེན་ཡོངས་ཀྱི་གནད་སའི་འཛུགས་སྐྲུན་ལས་གཞིའི་དངུལ་གཏོང་འཆར་གཞི་དང་དམིགས་ཡུལ་འགན་འཁྲི་སྐོར་གྱི་བརྡ་ཐོ་བཀྲམས་ཏེ།  2010ལོའི་ཞིང་ཆེན་ཡོངས་ཀྱི་གནད་སའི་མ་རྩའི་དངུལ་གཏོང་གནད་སའི་འཛུགས་སྐྲུན་ལས་གཞི་ཆེན་པོ་དྲུག་དང་རྣམ་གྲངས་རེ་གཉིས་གཏན་ལ་ཕབ།  ལས་གཞིའི་འཛུགས་སྐྲུན་གྱི་ཐད་ལ་འགྲོ་སོང་སྒོར་མོ་དུང་ཕྱུར་སྟོང་གཅིག་དང་དགུ་བརྒྱ་བརྒྱད་ཅུ་གཏོང་རྒྱུ་ཡིན་པ་དང་། 2010ལོར་འགྲོ་སོང་སྒོར་མོ་དུང་ཕྱུར་སུམ་བརྒྱ་དང་དགུ་དང་བྱེ་བ་དགུ་གཏོང་རྒྱུའི་འཆར་གཞི་བཀོད།  གནད་སའི་ལས་གཞི་དེ་དག་གཙོ་བོར་འགྲིམ་འགྲུལ་དང་ནུས་ཁུངས། བཟོ་ལས། ཞིང་ནགས་དང་ཆུ་བེད། ཁོར་ཡུག་སྲུང་སྐྱོབ།  སྤྱི་ཚོགས་ལས་དོན།  མང་ཚོགས་ཀྱི་འཚོ་བ་སོགས་རིགས་ཆེན་པོ་དྲུག་གི་ཁོངས་སུ་གཏོགས།

ལོ་ཙཱ་བ། ཀླུ་འབུམ་བྱམས།