ཉེ་ལམ། སྐབས་བཅུ་གསུམ་པའི་མཚོ་འགག་འགྲམ་གཉིས་ཀྱི་གནས་སྐོར་ལས་རིགས་ཀྱི་མཛའ་འབྲེལ་ཚོགས་འདུ་ཀོས་ཡང་གྲོང་ཁྱེར་ནས་བསྡུས། རང་ཞིང་གི་གནས་སྐོར་སྡེ་ཁག་གིས་འབྲེལ་ཡོད་ལས་ཁུངས་ཁ་ཤས་རྩ་འཛུགས་བྱས་ཏེ་མཛའ་འབྲེལ་ཚོགས་འདུར་ཞུགས། མཛའ་འབྲེལ་ཚོགས་འདུའི་སྟེང་། རང་ཞིང་གི་གནས་སྐོར་སྡེ་ཁག་གིས་མཛེས་སྡུག་གི་མཚོ་སྔོན་ཞེས་པ་བརྗོད་བྱ་གཙོ་བོ་ཡིན་པའི་གནས་སྐོར་ཐོན་ལས་མཚམས་སྦྱོར་བྱས་པར་མ་ཟད། མཚོ་འགག་འགྲམ་གཉིས་ཀྱི་གནས་སྐོར་ལས་རིགས་སོ་སོར་མཚོ་སྔོན་གྱི་ཐུན་མོང་མ་ཡིན་པའི་གནས་སྐོར་ཐོན་ཁུངས་དང་ཐོན་རྫས་མཚམས་སྦྱོར་བྱས། ཀྲུང་དབྱང་མི་དམངས་ཀུན་ཁྱབ་རླུང་འཕྲིན་ལས་ཁུངས་དང་། ཐེ་ཝན་གནས་སྐོར་ལས་རིགས་གཟའ་འཁོར་དུས་དེབ། ཀོས་ཀྲིག་གི་གསར་འགྱུར་ལས་ཁུངས་མང་པོ་བཅས་ཀྱིས་རང་ཞིང་གི་གནས་སྐོར་ཐོན་ལས་དྲིལ་སྒྲོག་ཆེན་པོ་བྱས། མཛའ་འབྲེལ་ཚོགས་འདུའི་སྐབས་སུ། རང་ཞིང་གི་གནས་སྐོར་སྡེ་ཁག་དང་གནས་སྐོར་ཁེ་ལས་ཀྱིས་རང་འགུལ་གྱིས་ཐེ་ཝན་གནས་སྐོར་ལས་རིགས་མཐུན་ཚོགས་དང་འབྲེལ་འདྲིས་བྱས་ནས། ཟླ་གསུམ་པའི་ཟླ་དཀྱིལ་དུ་ཐེ་ཝན་ནས་སྤེལ་རྒྱུ་ཡིན་པའི་མཛེས་སྡུག་གི་མཚོ་སྔོན་ཐེ་ཝན་ལ་བསྐྱོད་པ་ཞེས་པའི་བྱ་འགུལ་གྱི་དུས་སྐབས་སྔོན་མའི་དྲིལ་སྒྲོག་བྱ་བ་སྒྲུབ་བཞིན་ཡོད།

   ལོ་ཙཱ་བ།  ཞའོ་ཡན།