གསར་འགོད་པའི་ཟླ་གསུམ་པའི་ཚེས་བཅུའི་ཉིན།  ཞིང་ཆེན་སྲིད་གཞུང་གིས་བསྡུས་པའི་གསར་འགྱུར་སྒྲོག་སྤེལ་ཚོགས་འདུའི་སྟེང་རྒྱུས་ལོན་བྱུང་བ་ལྟར་ན།  ཉེ་ལམ་ཞིང་ཆེན་སྲིད་གཞུང་གིས་གཏན་ཕབ་སྟེ་བཏོན་པའི «ཞིང་ཆེན་ཡོངས་ཀྱི་མཐོ་རིམ་སློབ་གྲྭའི་འཐར་ཕྱིན་སློབ་མའི་ལས་ཞུགས་བྱ་བར་སྔར་ལས་ལྷག་པར་སྐུལ་འདེད་གཏོང་དགོས་པའི་སྐོར་གྱི་བསམ་འཆར »དང་།  རང་ཞིང་གིས་དོན་དངོས་དང་ཟུང་འབྲེལ་བྱས་ཏེ། མུ་མཐུད་དུ་བྱ་བ་དེ་ལག་བསྟར་དང་དངོས་འབེབས་བཟང་བོ་བྱེད་དགོས་པའི་སྲིད་ཇུས་ཀྱི་རྨང་གཞིའི་སྟེང་།  སྔར་ལས་ལྷག་པར་སྲིད་ཇུས་ཀྱི་སྣེ་ཁྲིད་དང་ཡར་སྐུལ་བྱས་ནས།  ཤུགས་ཆེན་པོས་འབྲེལ་ཡོད་སྲིད་ཇུས་དང་བྱེད་ཐབས་ཡུན་རིང་བོར་སྤེལ་ཏེ།  མཐོ་རིམ་སློབ་གྲྭའི་མཐར་ཕྱིན་སློབ་མ་ལས་ཀ་ཞུགས་པའི་ཐད་ལ་སྲིད་ཇུས་བྱེད་ཐབས་བཅུ་བཞི་བཏོན་ཡོད་ཀྱང་།  གཙོ་བོ་ཁེ་ལས་ཀྱིས་མཐོ་རིམ་མཐར་ཕྱིན་སློབ་མ་ལས་ཀར་ཞུགས་སུ་འཇུག་པ་དང་།  ཁོ་ཚོ་རང་སྟེང་གི་གསར་སྐྲུན་ནུས་པར་རྒྱབ་སྐྱོར་དང་།  མཐོ་རིམ་མཐར་ཕྱིན་སློབ་མར་དམིགས་ཏེ་ཆེད་ལས་ལག་རྩལ་གསོ་སྦྱོང་བྱེད་པ།  ལས་ཞུགས་ཞབས་ཞུ་གཙིགས་སུ་འཛིན་པ།  མཐོ་རིམ་སློབ་གྲྭའི་མཐར་ཕྱིན་སློབ་མ་གཞི་རིམ་དུ་ལས་ཀར་ཞུགས་པ་དང་དཀའ་ངལ་ཡོད་པའི་མཐོ་རིམ་མཐར་ཕྱིན་སློབ་མའི་ལས་ཞུགས་ཐད་ལ་རོགས་སྐྱོར་དགོས་པ་སོགས་ཕྱོགས་དྲུག་གི་ཐད་ནས་འདུས་ཡོད་ཟེར།

ལོ་ཙཱ་བ།  ཤ་བོ་སྐྱབས།