རྒྱལ་ཡོངས་དམངས་འཐུས་ཚོགས་ཆེན་སྐབས་བཅུ་གཅིག་པའི་གྲོས་ཚོགས་ཐེངས་གསུམ་པར་ཞུགས་པའི་མཚོ་སྔོན་འཐུས་ཚབ་ཚོགས་པས་མཚོ་སྔོན་བོད་ཁུལ་གྱི་ཆུ་བེད་འཛུགས་སྐྲུན་བྱེད་པའི་ས་གནས་ཆ་ཚང་མ་དངུལ་ཇེ་ཉུང་དུ་གཏོང་བ་དང་ཡང་ན་མེད་པར་གཏོང་དགོས་པའི་གྲོས་གཞི་བཏོན།

   མཚོ་སྔོན་གྱི་ས་གནས་ནོར་སྲིད་ཐད་དཀའ་ཁག་ཧ་ཅང་ཆེ་བ་དང་ཁུལ་མན་གྱི་སྲིད་གཞུང་སྡེ་ཁག་གིས་ཆུ་བེད་འཛུགས་སྐྲུན་གྱི་ཆ་ཚང་མ་དངུལ་ཕལ་ཆེར་དངོས་འབེབས་བྱེད་མི་ཐུབ་ཅིང་ཞིང་ཆེན་རིམ་པའི་ནོར་ཤུགས་ཐད་ཀྱང་ཚད་ཆེན་པོ་ཞིག་ཡོད་པའི་དོན་དངོས་གནས་ཚུལ་གཞིར་བཟུང་ནས།  འཐུས་མི་རྣམས་ཀྱིས་མཚོ་སྔོན་བོད་ཁུལ་གྱི་འཐུང་ཆུའི་བདེ་འཇགས་དང་།  ཆུ་རྐ་དང་ཆུ་གྲོན་ཆུང་བྱེད་པའི་སྒྲིག་ཆས་ལེགས་སྒྱུར་བྱེད་པ་དང་ཉེན་ཁ་ཡོད་པའི་ཆུ་མཛོད་ཇེ་བརྟན་དུ་གཏོང་བ། ས་ཆུ་སྲུང་འཛིན་བྱེད་པ། འབྲོག་ཁུལ་གྱི་ཆུ་བེད་འཛུགས་སྐྲུན་དང་ཆུ་ལོག་སྔོན་འགོག་སོགས་ཀྱི་ཆུ་བེད་བཟོ་སྐྲུན་ལག་བསྟར་བྱེད་པའི་ས་གནས་ཆ་ཚང་མ་དངུལ་མེད་པར་གཏོང་དགོས་པའི་གྲོས་གཞི་བཏོན།

ལོ་ཙཱ་བ།  བཀྲ་ཤིས་འབུམ།