ཉེ་ཆར།  འབྲོག་པས་རང་འཐད་ཀྱིས་མ་རྐང་བཞག་པའི་འབྲི་མོའི་འོ་རྫས་ལས་སྦྱོར་བཟོ་གྲྭ་དེ་ཐེམ་ཆེན་རྫོང་དུ་ཐོན་སྐྱེད་བྱེད་འགོ་བརྩམས།   འདི་ནི་ཐེམ་ཆེན་རྫོང་གི་འབྲོག་པས་མ་རྐང་བཞག་པའི་འབྲི་མོའི་འོ་རྫས་ལས་སྦྱོར་བཟོ་གྲྭ་ཐོག་མ་ཡིན།   2008ལོར།  ཐེམ་ཆེན་རྫོང་ཞིན་ཡོན་གྲོང་རྡལ་གྱིས་བཟང་མོ་འབྲི་མོའི་འོ་རྫས་ལས་སྦྱོར་མཉམ་ལས་ཁང་བཙུགས་ཏེ།  ཏང་ཀྲུའུ་པུའུ་དང་མཉམ་ལས་ཁང་།  འབྲོག་ཁྱིམ་གསུམ་གྱིས་མཉམ་དུ་སྒྲུབ་པའི་ཐོན་སྐྱེད་ཚོང་གཉེར་རྣམ་པ་ཞིག་གྲུབ་པ་རེད།  འབྲོག་ལས་ཧྲེའི་ཏང་ཡོན12ལ་སྐུང་སློང་བཏང་ནས་སྒོར་ཁྲི་ཚོ60གྲབས་གསོག་བྱས་ཤིང་སྒོར་ཁྲི་ཚོ20སྐྱིས་ནས་འོ་མ་ལས་སྦྱོར་དང་འབུ་གསོད།  སྣོད་བཟོ་ལ་སོགས་པའི་འཕྲུལ་ཆས་སྔོན་ཐོན་ཅན་ཉོས་ནས་བཟོ་འགོ་བརྩམས།  དཔག་རྩིས་བྱས་ན་ལོ་གཅིག་ལ་འོ་མ་ཏོན360ལས་སྦྱོར་བྱས་ནས་འོ་མའི་ཚད་ལྡན་ཁུག་མ་ཁྲི་ཚོ220ཐོན་ཐུབ་སྟེ་ཐོན་རིན་རྐྱང་མ་སྒོར་ཁྲི་ཚོ540ཡོད་ཅིང་ཡོང་སྒོ་སྒོར་ཁྲི་ཚོ100འཕར་སྣོན་བྱས་ཐུབ་ལ།ལས་ཀ་བ་ལྷག་མ100ཡི་ལས་ཞུགས་གནད་དོན་ཐག་གཅོད་ཐུབ་པ་རེད།