རྒྱལ་ཡོངས་དམངས་འཐུས་ཚོགས་ཆེན་སྐབས་བཅུ་གཅིག་པའི་གྲོས་ཚོགས་གསུམ་པའི་ཀྲུའུ་ཞི་ཚོགས་པས་ཟླ3པའི་ཚེས13ཉིན་གྱི་ཕྱི་དྲོར་མི་དམངས་ཚོགས་ཁང་ཆེན་མོའི་ནང་གྲོས་ཚོགས་ཐེངས་བཞི་བ་བསྡུས། 
  ཀྲུའུ་ཞི་ཚོགས་པའི་རྒྱུན་ལས་ཀྲུའུ་ཞི་བུའུ་པང་གོ་ཡིས་གྲོས་ཚོགས་ལ་མགོ་འཛིན་མཛད། ཚེས11ཉིན་བསྡུས་པའི་ཀྲུའུ་ཞི་ཚོགས་པའི་གྲོས་ཚོགས་ཐེངས་གཉིས་པ་དང་ཚེས13ཉིན་གྱི་སྔ་དྲོར་ཚོགས་པའི་ཀྲུའུ་ཞི་ཚོགས་པའི་གྲོས་ཚོགས་ཐེངས་གསུམ་པའི་སྟེང་སོ་སོར་སྲིད་གཞུང་བྱ་བའི་སྙན་ཞུ་དང་ལོ་ཧྲིལ་བོའི་འཆར་གཞི་དང་སྔོན་རྩིས། རྒྱལ་ཡོངས་དམངས་འཐུས་ཚོགས་ཆེན་རྒྱུན་ལས་ཨུ་ཡོན་ལྷན་ཁང་གི་བྱ་བའི་སྙན་ཞུ། ཆེས་མཐོ་མི་དམངས་ཁྲིམས་ཁང་གི་བྱ་བའི་སྙན་ཞུ་དང་ཆེས་མཐོ་མི་དམངས་ཞིབ་དཔྱོད་ཁང་གི་བྱ་བའི་སྙན་ཞུ་སོགས་སྙན་ཞུ་དྲུག་གི་གྲོས་ཆོད་འཆར་ཟིན་དང་། འདེམས་བསྐོ་བཅའ་ཁྲིམས་བཟོ་བཅོས་བྱེད་པའི་སྐོར་གྱི་གྲོས་ཆོད་འཆར་ཟིན་གྱི་བརྡས་ཐག་གཅོད་པའི་མ་ཡིག་འཐུས་ཚབ་ཚོགས་པ་སོ་སོར་གྲོས་ཞིབ་བྱེད་པར་སྤྲོད་རྒྱུ་ཐག་བཅད། འཐུས་ཚབ་ཚོགས་པ་སོ་སོས་དེ་ལ་ནན་ཏན་གྱིས་གྲོས་ཞིབ་བྱས་ཏེ། ཚོགས་ཆེན་གྱི་ཚང་འཛོམས་གྲོས་ཚོགས་ལ་བརྡས་ཐག་གཅོད་པར་སྤྲོད་རྒྱུར་མགྲིན་གཅིག་ཏུ་འཐད་པ་བྱུར། 
   ཚེས13ཉིན་གྱི་ཀྲུའུ་ཞི་ཚོགས་པའི་གྲོས་ཚོགས་སྟེང་སོ་སོར་བརྡས་ཐག་བཅད་དེ། སྲིད་གཞུང་བྱ་བའི་སྙན་ཞུ་སྐོར་གྱི་གྲོས་ཆོད་འཆར་ཟིན་དང་། 2009ལོའི་རྒྱལ་དམངས་དཔལ་འབྱོར་དང་སྤྱི་ཚོགས་འཕེལ་རྒྱས་འཆར་གཞི་ལག་བསྟར་བྱས་པའི་གནས་ཚུལ་དང2010ལོའི་རྒྱལ་དམངས་དཔལ་འབྱོར་དང་སྤྱི་ཚོགས་འཕེལ་རྒྱས་འཆར་གཞི་སྐོར་གྱི་གྲོས་ཆོད་འཆར་ཟིན། 2009ལོའི་ཀྲུང་དབྱང་དང་ས་གནས་སྔོན་རྩིས་ལག་བསྟར་ལག་བསྟར་གནས་ཚུལ་དང2010ལོའི་ཀྲུང་དབྱང་དང་ས་གནས་སྔོན་རྩིས་སྐོར་གྱི་གྲོས་ཆོད་འཆར་ཟིན་བཅས་ཚོགས་ཆེན་གྱི་ཚང་འཛོམས་གྲོས་ཚོགས་ལ་བརྡས་ཐག་གཅོད་པར་སྤྲོད་རྒྱུ་ཐག་གཅོད་པར་གྲོས་འཆམ་བྱུང་།
  ཚོགས་ཐོག་ནས་བརྡས་ཐག་བཅད་དེ། རྒྱལ་ཡོངས་དམངས་འཐུས་ཚོགས་ཆེན་གྱི་རྒྱལ་ཡོངས་དམངས་འཐུས་ཚོགས་ཆེན་དང་ས་གནས་རིམ་པ་ཁག་གི་དམངས་འཐུས་ཚོགས་ཆེན་གྱི་འདེམས་བསྐོ་བཅའ་ཁྲིམས་སྐོར་གྱི་གྲོས་ཆོད་འཆར་ཟིན་དེ་ཚོགས་ཆེན་གྱི་ཚང་འཛོམས་གྲོས་ཚོགས་ལ་བརྡས་ཐག་གཅོད་པར་སྤྲོད་རྒྱུ་ཐག་གཅོད་པར་གྲོས་འཆམ་བྱུང་།
  ཚོགས་ཐོག་ནས་སོ་སོར་བརྡས་ཐག་བཅད་དེ། རྒྱལ་ཡོངས་དམངས་འཐུས་ཚོགས་ཆེན་རྒྱུན་ལས་ཨུ་ཡོན་ལྷན་ཁང་གི་བྱ་བའི་སྙན་ཞུ་སྐོར་གྱི་གྲོས་ཆོད་འཆར་ཟིན་དང་། ཆེས་མཐོ་མི་དམངས་ཁྲིམས་ཁང་གི་བྱ་བའི་སྙན་ཞུ་སྐོར་གྱི་གྲོས་ཆོད་འཆར་ཟིན། ཆེས་མཐོ་མི་དམངས་ཞིབ་དཔྱོད་ཁང་གི་བྱ་བའི་སྙན་ཞུ་སྐོར་གྱི་གྲོས་ཆོད་འཆར་ཟིན་བཅས་ཚོགས་ཆེན་གྱི་ཚང་འཛོམས་གྲོས་ཚོགས་ལ་བརྡས་ཐག་གཅོད་པར་སྤྲོད་རྒྱུ་ཐག་གཅོད་པར་གྲོས་འཆམ་བྱུང་།
  རྒྱལ་ཡོངས་དམངས་འཐུས་ཚོགས་ཆེན་གྲོས་དོན་འགྲོ་ལུགས་ཀྱི་གཏན་ཁེལ་ལྟར། རྒྱལ་ཡོངས་དམངས་འཐུས་ཚོགས་ཆེན་རྒྱུན་ལས་ཨུ་ཡོན་ལྷན་ཁང་གིས་རྒྱུན་ལས་ཨུ་ཡོན་ལྷན་ཁང་གི་ཁོངས་མིའི་འགན་མི་ཁུར་མཁན་གྱི་རེ་བ་དང་ལེན་བྱེད་ན། ངེས་པར་དུ་རྒྱལ་ཡོངས་དམངས་འཐུས་ཚོགས་ཆེན་གྱི་གྲོས་ཚོགས་ཐེངས་རྗེས་མའི་སྟེང་ངོས་འཛིན་པར་ཞུ་འབུལ་བྱེད་དགོས། ན་ནིང་། རྒྱལ་ཡོངས་དམངས་འཐུས་ཚོགས་ཆེན་རྒྱུན་ལས་ཨུ་ཡོན་ལྷན་ཁང་གི་གྲོས་ཚོགས་ཐེངས་བཅུ་གཉིས་པའི་སྟེང་ལིས་ཏུང་ཧྲིན་གྱི་རྒྱལ་ཡོངས་དམངས་འཐུས་ཚོགས་ཆེན་རྒྱུན་ལས་ཨུ་ཡོན་ལྷན་ཁང་གི་ཨུ་ཡོན་གྱི་འགན་མི་ཁུར་བའི་རེ་ཞུ་དང་ལེན་བྱེད་པའི་གྲོས་ཐག་བཅད་དེ། རྒྱལ་ཡོངས་དམངས་འཐུས་ཚོགས་ཆེན་སྐབས་བཅུག་གཅིག་པའི་གྲོས་ཚོགས་ཐེངས་གསུམ་པར་ངོས་འཛིན་བྱེད་པར་སྤྲད། གྲོས་ཚོགས་ནས་བརྡས་ཐག་བཅད་དེ་ལིས་ཏུང་ཧྲིན་གྱིས་རྒྱལ་ཡོངས་དམངས་འཐུས་ཚོགས་ཆེན་རྒྱུན་ལས་ཨུ་ཡོན་ལྷན་ཁང་གི་ཨུ་ཡོན་གྱི་འགན་མི་ཁུར་བའི་རེ་བ་དང་ལེན་བྱས་པའི་གྲོས་ཆོད་འཆར་ཟིན་ཚོགས་ཆེན་ལ་བརྡས་ཐག་གཅོད་པར་སྤྲོད་རྒྱུར་གྲོས་འཆམ་བྱུང་།
 ཀྲུའུ་ཞི་ཚོགས་པའི་རྒྱུན་ལས་ཀྲུའུ་ཞི་བང་ཀྲོ་གོ་དང་ལུའུ་ཡུང་ཞང་། བུའུ་ཡོན་ཆི་མུའུ་ཀི། ཧན་ཆི་ཏིག ཧྭ་ཅན་མིན། ཁྲིན་ཀྲི་ལིས། ཀྲིག་ཐེ་ནོང་། ལིས་ཅན་ཀོ སི་མ་དབྱི་ཐེ་ལེ་བ་ཨར། ཅང་ཧྲུའུ་ཧྲིན། ཁྲིན་ཁྲང་ཀྲི ཡན་ཞིག་ཆི། སང་གོ་བེ་བཅས་གྲོས་ཚོགས་ལ་ཞུགས།

ལོ་ཙཱ་བ། ཀླུ་འབུམ་བྱམས།