ཚེས་བཅུ་གསུམ་ཉིན་གྱི་སྔ་དྲོར། རྒྱལ་ཡོངས་སྲིད་གྲོས་སྐབས་བཅུ་གཅིག་པའི་གྲོས་ཚོགས་ཐེངས་གསུམ་པས་གྲོས་རིམ་སྣ་ཚོགས་བདེ་བླག་ངང་ཡོངས་འགྲུབ་བྱས་རྗེས་མི་དམངས་
ཚོགས་ཁང་ཆེན་མོའི་ནང་གྲོལ། ཧུའུ་ཅིན་ཐའོ་དང་བུའུ་པང་གོ། བུན་ཅ་པའོ། ལིས་ཁྲང་ཁྲོན། ཞི་ཅིན་ཕེན། ལིས་ཁི་ཆང་། ཧི་གོ་ཆང་། ཀྲིག་ཡུང་ཁང་སོགས་གྲོས་ཚོགས་ལ་ཞུགས།
རྒྱལ་ཡོངས་སྲིད་གྲོས་སྐབས་བཅུ་གཅིག་པའི་གྲོས་ཚོགས་ཐེངས་གསུམ་པས་གྲོས་རིམ་སྣ་ཚོགས་བདེ་བླག་ངང་ཡོངས་འགྲུབ་བྱས་རྗེས། ཚེས་བཅུ་གསུམ་ཉིན་གྱི་སྔ་དྲོར་མི་དམངས་ཚོགས་ཁང་ཆེན་མོའི་ནང་གྲོལ། གྲོས་ཚོགས་ནས་མི་དམངས་སྲིད་གྲོས་ཀྱི་རིམ་པ་སོ་སོའི་རྩ་འཛུགས་དང་ཟབ་ཞུགས་ལས་ཁུངས་སོ་སོ། རྒྱ་ཆེའི་སྲིད་གྲོས་ཨུ་ཡོན་བཅས་བློ་མཐུན་ཧུའུ་ཅིན་ཐའོ་སྤྱི་ཁྱབ་ཧྲུའུ་ཅི་ཡིན་པའི་ཀྲུང་གུང་ཀྲུང་དབྱང་གི་མཐའ་འཁོར་དུ་མཐུན་སྒྲིལ་དམ་པོ་བྱས་ཏེ། ཀྲུང་གོའི་ཁྱད་ཆོས་ཀྱི་སྤྱི་ཚོགས་རིང་ལུགས་ཀྱི་རླབས་ཆེན་དར་ཆ་མཐོན་པོར་བསྒྲེངས་པ་དང་། ཏིན་ཞའོ་ཕེན་གྱི་རིགས་པའི་གཞུང་ལུགས་དང་མཚོན་བྱེད་གསུམ་གྱི་དགོངས་པ་གལ་ཆེན་མཛུབ་སྟོན་དུ་བྱེད་པ། ཚན་རིག་གི་འཕེལ་རྒྱས་ལྟ་བ་གཏིང་ཟབ་ཏུ་ལག་ལེན་དངོས་འབེབ་བྱས་ཏེ། འགན་ཁུར་ཕོད་པའི་བློ་སྤོབས་ཀྱིས་གཟི་བརྗིད་ལས་འགན་ཕྲག་ཏུ་ཁུར་བ་དང་། མཐུན་སྒྲིལ་གཅིག་གྱུར་གྱི་སྙིང་སྟོབས་ཀྱིས་མདུན་བསྐྱོད་ཀྱི་སྟོབས་ཤུགས་གཅིག་ཏུ་སྒྲིལ་བ། འབད་འཐབ་ཀྱི་བརྩོན་སེམས་ཆེན་མོས་དཀའ་ཚེགས་ཀྱི་ལས་འགན་ཡོངས་འགྲུབ་བྱས་ནས། བཅོས་བསྒྱུར་སྒོ་འབྱེད་དང་སྤྱི་ཚོགས་རིང་ལུགས་དེང་རབས་ཅན་འཛུགས་སྐྲུན་བྱེད་པའི་རྒྱལ་ཁ་གསར་བའི་ཆེད་དུ་འབད་བརྩོན་བྱེད་དགོས་དགོས་པའི་འབོད་སྐུལ་བཏང་།
རྒྱལ་ཡོངས་སྲིད་གྲོས་ཀྱི་ཀྲུའུ་ཞི་ཅ་ཆིན་ལིན་གྱིས་གྲོས་ཚོགས་གྲོལ་བའི་མཛད་སྒོར་མགོ་འཛིན་མཛད། རྒྱལ་ཡོངས་སྲིད་གྲོས་ཀྱི་ཀྲུའུ་ཞི་གཞོན་པ་བང་ཀང་དང་། ལའོ་ཧོས། ཏུའུ་ཆིན་ལིན། འཕགས་པ་ལྷ་དགེ་ལེགས་རྣམ་རྒྱལ། པེ་ལི་ཀྲིན། ཁྲིན་ཁོས་ཡོན། ཨ་པུའུ་ལེ་ཐིས་ཨ་པུའུ་ཏུའུ་རི་ཞི་ཐིས། ལིས་ཀྲའོ་ཀྲོ། ཧོང་མིན་ཧྥུ། ཏུང་ཅན་ཧྭ། ཀྲང་མེ་ཡུན། ཀྲང་རོང་མེན། ཆན་ཡུང་ལུའུ། སུང་ཅ་ཀྲིན། ལིས་ཅིན་ཧྭ། ཀྲིན་བན་ཐུང་། ཏུན་ཕུའུ་ཧྥང་། བན་ཀང་། ལིན་བུན་ཡེ། ལེ་བུའུ་ཝེ། ལོ་ཧྥུ་ཧི། ཁྲིན་ཙུང་ཞིན། བང་ཀྲི་ཀྲིན་བཅས་ཀྲུའུ་ཞིའི་སྟེགས་བུའི་མདུན་གྲལ་དུ་བཞུགས་ཡོད།
ཧུའུ་ཅིན་ཐའོ་དང་བུའུ་པང་གོ། ཝུན་ཅ་པའོ། ལིས་ཁྲང་ཁྲོན། ཞི་ཅིན་ཕེན། ལིས་ཁི་ཆང་། ཧི་གོ་ཆང་། ཀྲིག་ཡུང་ཁང་སོགས་ཀྲུའུ་ཞིའི་སྟེགས་བུའི་སྟེང་བཞུགས་ཡོད།
གྲོས་ཚོགས་གྲོལ་བའི་མཛད་སྒོ་དེ་སྔ་དྲོའི་དུས་ཚོད་དགུའི་སྟེང་མགོ་བརྩམས་པ་དང་། ཚོགས་ཐོག་ནས་ཨུ་ཡོན་རྣམས་ཀྱིས་བརྡས་ཐག་གཅོད་པའི་གློག་རྡུལ་འཕྲུལ་ཆས་བཀོལ་ནས་བརྡས་ཐག་གཅོད་པའི་ཐབས་ལ་བརྟེན་ནས། ཧི་ཧིག་ཧྭ་སྲིད་གྲོས་སྐབས་བཅུ་གཅིག་པའི་རྒྱལ་ཡོངས་ཨུ་ཡོན་ལྷན་ཁང་གི་ཀྲུའུ་ཞི་གཞོན་པར་བདམས་པ་དང་། དེའི་རྗེས་སུ་ཅ་ཆིན་ལིན་གྱིས་ཧི་ཧིག་ཧྭ་ཀྲུའུ་ཞིའི་སྟེགས་བུའི་སྟེང་བཞུགས་སུ་བཅུག
གྲོས་ཚོགས་ནས་ད་རུང་གྲོས་སྐབས་བཅུ་གཅིག་པའི་རྒྱལ་ཡོངས་ཨུ་ཡོན་ལྷན་ཁང་གྲོས་ཚོགས་ཐེངས་གསུམ་པའི་རྒྱུན་ལས་ཨུ་ཡོན་ལྷན་ཁང་གི་བྱ་བའི་སྙན་ཞུ་སྐོར་གྱི་གྲོས་ཆོད་དང་། སྲིད་གྲོས་སྐབས་བཅུ་གཅིག་པའི་རྒྱལ་ཡོངས་ཨུ་ཡོན་ལྷན་ཁང་གྲོས་འདོན་ཨུ་ཡོན་ལྷན་ཁང་གི་སྲིད་གྲོས་སྐབས་བཅུ་གཅིག་པའི་གྲོས་ཚོགས་ཐེངས་གསུམ་པའི་གྲོས་འདོན་ཞིབ་དཔྱད་གནས་ཚུལ་སྐོར་གྱི་སྙན་ཞུ། སྲིད་གྲོས་སྐབས་བཅུ་གཅིག་པའི་རྒྱལ་ཡོངས་ཨུ་ཡོན་ལྷན་ཁང་གི་གྲོས་ཚོགས་ཐེངས་གསུམ་པའི་ཆབ་སྲིད་གྲོས་ཆོད་བཅས་ལ་གྲོས་འཆམ་བྱུང་།
ཅ་ཆིན་ལིན་གྱིས་གསུང་བཤད་གནང་བ་དང་། ཀྲུང་གུང་ཀྲུང་དབྱང་དང་རྒྱལ་སྲིད་སྤྱི་ཁྱབ་ཁང་གི་འབྲེལ་ཡོད་སྡེ་ཁག་གི་འགན་ཁུར་བ་གྲོས་ཚོགས་གྲོལ་བའི་མཛད་སྒོར་ཟུར་ཞུགས་བྱས། ཀྲུང་གོར་སྡོད་པའི་རྒྱལ་ཁབ་སོ་སོའི་གཞུང་ཚབ་པས་གདན་ཞུས་ལྟར་གྲོས་ཚོགས་གྲོལ་བའི་མཛད་སྒོར་ཟུར་ཉན་བྱས།
ལོ་ཙཱ་བ། བསོད་ནམས་ཚེ་རིང་། |
