ཟླ3པའི་ཚེས8ཉིན། རྒྱལ་ཡོངས་དམངས་འཐུས་ཚོགས་ཆེན་སྐབས་བཅུ་གཅིག་པའི་གྲོས་ཚོགས་ཐེངས་གསུམ་པས་པེ་ཅིན་
མི་དམངས་ཚོགས་ཁང་ཆེན་མོའི་ནང་ཚང་འཛོམས་གྲོས་ཚོགས་ཐེངས་གཉིས་པ་བསྡུས།
ཟླ3པའི་ཚེས8ཉིན། རྒྱལ་ཡོངས་དམངས་འཐུས་ཚོགས་ཆེན་སྐབས་བཅུ་གཅིག་པའི་གྲོས་ཚོགས་ཐེངས་གསུམ་པས་པེ་ཅིན་མི་དམངས་ཚོགས་ཁང་ཆེན་མོའི་
ནང་ཚང་འཛོམས་གྲོས་ཚོགས་ཐེངས་གཉིས་པ་བསྡུས། རྒྱལ་ཡོངས་དམངས་འཐུས་ཚོགས་ཆེན་རྒྱུན་ལས་ཨུ་ཡོན་ལྷན་ཁང་གི་མངགས་བཅོལ་ལྟར།
རྒྱལ་ཡོངས་དམངས་འཐུས་ཚོགས་ཆེན་རྒྱུན་ལས་ཨུ་ཡོན་ལྷན་ཁང་གི་ཨུ་ཡོན་ཀྲང་གཞོན་པ་བང་ཀྲའོ་གོ་ཡིས་ཀྲུང་ཧྭ་མི་དམངས་སྤྱི་མཐུན་
རྒྱལ་ཁབ་ཀྱི་རྒྱལ་ཡོངས་མི་དམངས་འཐུས་མིའི་ཚོགས་ཆེན་དང་ས་གནས་རིམ་པ་སོ་སོའི་མི་དམངས་འཐུས་མིའི་ཚོགས་ཆེན་གྱི་
འདེམ་བསྐོའི་བཅའ་ཁྲིམས་བཟོ་བཅོས་འཆར་ཟིན་གྱི་སྐོར་གསལ་བཤད་བྱས།
རྒྱལ་ཡོངས་དམངས་འཐུས་ཚོགས་ཆེན་སྐབས་བཅུ་གཅིག་པའི་གྲོས་ཚོགས་ཐེངས་གསུམ་པས་ཚེས་བརྒྱད་ཉིན་མི་དམངས་ཚོགས་ཁང་ཆེན་མོའི་ནང་ཚང་འཛོམས་གྲོས་ཚོགས་ཐེངས་གཉིས་པ་བསྡུས་ཏེ། འདེམ་བསྐོ་བཅའ་ཁྲིམས་བཟོ་བཅོས་འཆར་ཟིན་གྱི་གསལ་བཤད་ལ་ཉན།
ཧུའུ་ཅིན་ཐའོ་དང་བུའུ་པང་གོ ཝུན་ཅ་པའོ། ཅ་ཆིན་ལིན། ལིས་ཁྲང་ཁྲོན། ཞི་ཅིན་ཕེན། ལིས་ཁི་ཆང་། ཧི་གོ་ཆང་། ཀྲིག་ཡུང་ཁང་སོགས་གྲོས་ཚོགས་ལ་ཞུགས།
རྒྱལ་ཡོངས་དམངས་འཐུས་ཚོགས་ཆེན་རྒྱུན་ལས་ཨུ་ཡོན་ལྷན་ཁང་གི་མངགས་བཅོལ་ལྟར། རྒྱལ་ཡོངས་དམངས་འཐུས་ཚོགས་ཆེན་རྒྱུན་ལས་ཨུ་ཡོན་ལྷན་ཁང་གི་ཨུ་ཡོན་ཀྲང་གཞོན་པ་བང་ཀྲའོ་གོ་ཡིས་འདེམ་བསྐོའི་བཅའ་ཁྲིམས་བཟོ་བཅོས་འཆར་ཟིན་གྱི་སྐོར་གསལ་བཤད་བྱས།
འདེམ་བསྐོ་བཅའ་ཁྲིམས་བཟོ་བཅོས་འཆར་ཟིན་གྱི་ནང་དོན་གཙོ་བོའི་སྐོར་གསལ་བཤད་བྱེད་སྐབས། བང་ཀྲའོ་གོ་ཡིས་བཤད་རྒྱུར། གཅིག་ནས་སྤྱི་དམངས་ཚང་མར་འདྲ་མཉམ་གྱི་འདེམ་བསྐོའི་དབང་ཆ་ཡོད་པར་འགན་སྲུང་བྱེད་པ་དང་། གྲོང་ཁྱེར་དང་གྲོང་གསེབ་ཀྱིས་མི་གྲངས་ཀྱི་བསྡུར་ཚད་ལྟར་འཐུས་མི་འདེམ་པ་དེས་མི་ཚང་མ་འདྲ་མཉམ་ཡིན་པ་མཚོན་ཡོད། གཉིས་ནས་ས་གནས་སོ་སོར་རྒྱལ་ཁབ་དབང་ཤུགས་ལས་ཁུངས་ལ་འདྲ་མཉམ་གྱིས་ཞུགས་པའི་དབང་ཆ་ཡོད་པར་འགན་སྲུང་བྱེད་པ་དང་། སྲིད་འཛིན་ས་ཁུལ་སོ་སོས་མི་གྲངས་ཀྱི་མང་ཉུང་ལ་མི་བལྟ་བར་ཚང་མས་འཐུས་མི་ངེས་ཅན་འདེམ་པ་དེས་ས་ཁུལ་ཚང་མ་འདྲ་མཉམ་ཡིན་པ་མཚོན་ཡོད། གསུམ་ནས་མི་རིགས་སོ་སོར་འཐུས་མི་ངེས་ཅན་རེ་ཡོད་པར་འགན་སྲུང་བྱེད་པ་དང་། མི་གྲངས་ཇི་ལྟར་ཉུང་ནའང་འཐུས་མི་གཅིག་ཡོད་དགོས་པ་དེས་མི་རིགས་ཚང་མ་འདྲ་མཉམ་ཡིན་པ་མཚོན་ཡོད་ཟེར།
ལོ་ཙཱ་བ། ཕྱུག་ལོ། |
