སྐབས་དགུ་བའི་མཚོ་སྐོར་རྒྱལ་སྤྱིའི་གཞུང་ལམ་གྱི་ཀྲུང་གོ་ལུས་རྩལ་རྒྱན་ཤོག་བུམ་པའི་ལྕགས་རྟའི་འགྲན་སྡུར་མགོ་རྩོམ་པའི་མཛད་སྒོ་ཟླ་བདུན་པའི་ཚེས་བཅུ་དྲུག་ཉིན་གྱི་ཕྱི་དྲོའི་དུས་ཚོད་གསུམ་དང་སྐར་མ་སུམ་བཅུའི་སྟེང་ཧྲུའུ་ཀྲུའུ་ཧོར་རིགས་རང་སྐྱོང་རྫོང་ཀྲུང་གོའི་ཧོར་རིགས་གླིང་ཐང་ཆེན་ནས་གཟབ་རྒྱས་ངང་བསྡུས། ཞིང་ཆེན་ཏང་ཨུའི་ཧྲུའུ་ཅི། ཞིང་ཆེན་དམངས་འཐུས་ཚོགས་ཆེན་རྒྱུན་ལས་ཨུ་ཡོན་ལྷན་ཁང་གི་ཀྲུའུ་རིན་ཆང་བེ་དང་། ཞིང་ཆེན་ཏང་ཨུའི་ཧྲུའུ་ཅི་གཞོན་པ། ཧྲིན་ཀྲང་ལའོ་ཧོས་ཉིན། ཞིང་ཆེན་སྲིད་གྲོས་ཀྱི་ཀྲུའུ་ཞི་པདྨ། རྒྱལ་ཁབ་རྒྱང་སྒྲོག་བརྙན་འཕྲིན་སྤྱི་ཁྱབ་ཅུའུ་ཡི་ཅུའུ་ཀྲང་གཞོན་པ་ཀྲང་ཕེས་མེན། ཞིང་ཆེན་ཏང་ཨུའི་རྒྱུན་ལས་ཨུ་ཡོན། ཞིང་ཆེན་ཏང་ཨུའི་དྲུང་ཡིག་ཆེན་མོ་ཧྲིན་ཧི། ཞིང་ཆེན་ཏང་ཨུའི་རྒྱུན་ལས་ཨུ་ཡོན། ཞིང་ཆེན་ཏང་ཨུའི་དྲིལ་སྒྲོག་པུའུ་ཡི་པུའུ་ཀྲང་སྐྱིད་བདེ་རྨ་རྒྱལ། ཞིང་ཆེན་དམངས་འཐུས་ཚོགས་ཆེན་རྒྱུན་ལས་ཨུ་ཡོན་ལྷན་ཁང་གི་ཀྲུའུ་རིན་གཞོན་པ་བང་ཞོ་ཆིན། ལིག་ཁྲོན་ཡོ། ཧྲིན་གཞོན་པ་ཝང་ལིན་ཅུན། ཞིང་ཆེན་སྲིད་གྲོས་ཀྱི་ཀྲུའུ་ཞི་གཞོན་པ་པོ་ཡུས་ཀྲི། ཧན་ཡུས་ཀོས། རྒྱལ་ཁབ་ལུས་རྩལ་སྤྱི་ཁྱབ་ཅུའུ་ཡི་ལྕགས་རྟ་དང་མདའ་འཕེན་ལུས་རྩལ་དོ་དམ་ལྟེ་གནས་ཀྱི་ཀྲུའུ་རིན། ཀྲུང་གོ་ལྕགས་རྟའི་ལུས་རྩལ་མཐུན་ཚོགས་ཀྱི་ཀྲུའུ་རིན་གཞོན་པ་ཕན་ཀྲི་ཧྲིན་སོགས་འགོ་ཁྲིད་པ་དང་སྐུ་མགྲོན་འགྲན་སྡུར་མགོ་རྩོམ་པའི་མཛད་སྒོར་ཞུགས།
ཧྲིན་ཀྲང་གཞོན་པ་ཝང་ལིན་ཅུན་གྱིས་མཛད་སྒོར་མགོ་འཛིན་བྱས་པ།
ཝང་ལིན་ཅུན་གྱིས་མཛད་སྒོར་མགོ་འཛིན་བྱས། འཛམ་གླིང་གི་གླིང་ཆེན་ལྔ་ནས་ཡོང་བའི་ལུས་རྩལ་རུ་ཁག་མཛད་སྒོ་མགོ་རྩོམ་པའི་ཐང་ཆེན་དུ་སླེབས་པ་དང་། ལའོ་ཧོས་ཉིན་དང་ཕན་ཀྲི་ཧྲིན་གཉིས་ཀྱིས་ཞུ་ཚིག་ཕུལ།
ཕྱི་དྲོའི་དུས་ཚོད་བཞིའི་སྟེང་ཆང་བེ་ཡིས་སྐབས་དགུ་བའི་མཚོ་སྔོན་པོར་སྐོར་བ་རྒྱག་པའི་རྒྱལ་སྤྱིའི་གཞུང་ལམ་ལྕགས་རྟའི་འགྲན་སྡུར་མགོ་བརྩམས་པ་ཁྱབ་སྒྲོག་བྱས། སྐབས་དེར་མི་སེམས་འགུལ་བའི་ཤོག་སྦག་གི་སྒྲས་བར་སྣང་གི་སྤྲིན་རིམ་གཏོར་ནས་མཛེས་ཤིང་ལྟ་ན་སྡུག་པའི་མེ་ཏོག་གི་འདབ་བརྒྱ་གྲོལ་བ་དང་མཉམ་དུ་གནས་དེའི་ག་ས་གང་དུ་དགའ་སྤྲོའི་རྣམ་པས་ཁེངས་འདུག
སྐབས་དགུ་བའི་མཚོ་སྔོན་པོར་སྐོར་བ་རྒྱག་པའི་རྒྱལ་སྤྱིའི་གཞུང་ལམ་ལྕགས་རྟའི་འགྲན་སྡུར་གྱི་མཛད་སྒོ་མཇུག་རྫོགས་རྗེས་གསར་གཏོད་རང་བཞིན་ལྡན་པ། ཁྱད་ཆོས་མངོན་པར་གསལ་བའི་རིག་རྩལ་ཁྲབ་སྟོན་རྒྱ་ཆེན་ཞིག་བསྡུས།
ལོ་ཙཱ་བ། བསོད་ནམས་ལྷ་མོ།
འདྲ་པར་ཡོང་ཁུངས། མཚོ་སྔོན་ཞིང་ཆེན་མི་དམངས་སྲིད་གཞུང་། |
