ཟླ3པའི་ཚེས11ཉིན། ཀྲུང་གུང་ཀྲུང་དབྱང་ཆབ་སྲིད་ཅུའུ་རྒྱུན་ལས་ཨུ་ཡོན་ལིས་ཁྲང་ཁྲོན་རྒྱལ་ཡོངས་དམངས་འཐུས་ཚོགས་ཆེན་
སྐབས་བཅུ་གཅིག་པའི་གྲོས་ཚོགས་ཐེངས་གསུམ་པའི་མཚོ་སྔོན་འཐུས་ཚབ་ཚོགས་པའི་གྲོས་ཞིབ་ཏུ་ཞུགས་པ།

      ཀྲུང་གུང་ཀྲུང་དབྱང་ཆབ་སྲིད་ཅུའི་རྒྱུན་ལས་ཨུ་ཡོན་ལིས་ཁྲང་ཁྲོན་ཚེས་བཅུ་གཅིག་ཉིན་མཚོ་སྔོན་འཐུས་ཚབ་ཚོགས་པའི་གྲོས་ཞིབ་ལ་ཞུགས།
    ལིས་ཁྲང་ཁྲོན་གྱིས་གསུང་བཤད་གནང་སྐབས། ཨུ་ཡོན་ཀྲང་བུའུ་པང་གོ་ཡིས་ཕུལ་བའི་རྒྱལ་ཡོངས་དམངས་འཐུས་ཚོགས་ཆེན་རྒྱུན་ལས་ཨུ་ཡོན་ལྷན་ཁང་གི་བྱ་བའི་སྙན་ཞུ་ལ་ཡིད་འཐད་ཡིན་པའི་བསམ་ཚུལ་བསྟན། ཁོང་གིས་སྤྱི་ཚོགས་རིང་ལུགས་ཀྱི་དཀྱིལ་སྙིང་རིན་ཐང་མ་ལག་དང་མི་རིགས་མཐུན་སྒྲིལ་ཡར་ཐོན་གྱི་དྲིལ་སྒྲོག་སློབ་གསོ་གཏིང་ཟབ་ཏུ་སྤེལ་ཏེ། སྤྱི་ཕན་རང་བཞིན་དང་གཞི་རྩའི་རང་བཞིན། འདྲ་མཉམ་རང་བཞིན། སྟབས་བདེ་རང་བཞིན་བཅས་ཀྱི་རྩ་དོན་ལྟར། གཞི་རིམ་ལ་ཁ་ཕྱོགས་པ་དང་རོང་འབྲོག་ཁུལ་ལ་ཁ་ཕྱོགས་པ་རྒྱུན་འཁྱོངས་བྱེད་པ་དང་།  སྤྱི་བའི་རིག་གནས་ཞབས་ཞུའི་མ་ལག་མྱུར་མོར་འཛུགས་པ་དང་ཨ་མདོའི་སྐད་ཀྱི་རྒྱང་སྒྲོག་བརྙན་འཕྲིན་ལེ་ཚན་བཟང་བོར་སྒྲུབ་ནས་གྲངས་ཉུང་མི་རིགས་ཀྱི་རིག་གནས་ལས་དོན་དར་རྒྱས་སུ་གཏོང་བ་དང་། ཁྱད་ལྡན་རིག་གནས་ཐོན་ལས་འཕེལ་རྒྱས་སུ་བཏང་སྟེ། མཚོ་སྔོན་གྱི་དཔལ་འབྱོར་དང་སྤྱི་ཚོགས་མགྱོགས་ཤིང་མྱུར་བའི་སྒོ་ནས་འཕེལ་རྒྱས་སུ་འགྲོ་བར་རྒྱབ་བརྟེན་བཟང་བོ་འདོན་སྤྲོད་བྱེད་དགོས་པ་ནན་བཤད་མཛད།

ལོ་ཙཱ་བ།   བསོད་ནམས་ཚེ་རིང་།
འདྲ་པར་ཡོང་ཁུངས། མཚོ་སྔོན་ཉིན་རེའི་ཚགས་པར།